Papardasen ti Clark International Airport Corp. (CIAC) ti pannakaipatungpal dagiti proyekto iti impraestruktura tapno ad-adda a mangpadur-as ti Clark Aviation Capital, ti daga a nanglikmut iti ipatpataray-ti-sektor pribado a Clark International Airport.
Iti maysa a pakaammo itoy nga aldaw, Huebes, Nobiembre 7, kinuna ni Jojit Alcazar, presidente ti CIAC, a naidumduma ti 2,367-ektaria a Clark Aviation Capital isu a masapul a maparang-ay iti kabiitan a panawen a kas pamastrekan ti gobierno tapno makatulong iti ekonomia ti pagilian.
Ipampamaysa ita ti CIAC, dati real estate manager ngem maysa itan a land developer, ti architectural ken engineering design dagiti road network ti Clark Aviation Capital.
Mairaman kadagiti ipangpangrunana ti panangpasayaat kadagiti silaw kadagiti kangrunaan a kalsada ken panangparang-ay kadagiti lugar a pagpiknikan, parke, ken open spaces ti nasao a lugar.
Pakaisukatan ti Doliar iti Pisos iti Nobiembre 25, 2024
Kinuna ni Alcazar a panggep dagitoy ti mangallukoy kadagiti imbestor iti aviation, cargo ken logistics, ken commercial enterprises.
Innayonna a papigsaen ti CIAC ti impraestruktura ken serbisio ti aviation, mangpadur-as iti logistics hub a mangsuportar iti national food security, ken mangiposision iti Clark Aviation Capital a kas kangrunaan a destinasion para iti MICE (miting, insentibo, komperensia, ken eksibision) a turismo.
Plano pay ti CIAC ti mangipasdek iti partnership para iti world-class nga edukasion ken panagsanay iti aviation ken mangparnuay kadagiti lugar a para iti negosio agraman iti sustainable urban development. (Manila Bulletin)
