Kas pangrambak iti 75 a panagpagayam ti Korea ken Filipinas mangangay ti Korean Cultural Center (KCC) kadagiti cultural events itoy a Nobiembre.
Maitampok kadagitoy a selebrasion dagiti kankanta, tradisional a paglaingan (traditional craftsmanship), ken cultural exchange.
Maangay ti umuna a selebrasion, ti “Harmony at 75: A Celebration of Philippine-Korean Friendship Through Music,” inton Nobiembre 15, 2024, iti alas singko iti malem iti Leandro Locsin Auditorium iti NCCA Building iti Intramuros, Manila.
Agtokar ditoy ti Korean percussion ensemble a Groove& a buklen ti babbai a bin-ig a Koreano. Makaduada ti University of the Philippines Tugtugang Musika Asyatika (UP TUGMA) ken Padayon Rondalla nga agtokar met kadagiti Filipino klasiko.
Gakat a mangipalubos nga agtrabaho dagiti Senior Citizen, inanamongan ti Kamara
Pasarunson daytoy ti naballigi a konsierto a “Caltural Cresendo” a naangay itay napalabas a tawen. Libre daytoy a pabuya, babaen ti National Commission for Culture and the Arts (NCCA), ngem limitado ti agbuya.
Kalpasan daytoy, mabuya met ti Groove& iti Pinoy Playlist 2024 iti kabigatanna, Nobiembre 16, iti alas singko met laeng iti malem iti Bonifacio High Street iti 5th Avenue.
Angayen met ti National Folk Museum of Korea iti The M iti BGC iti Taguig ti “Maedeup, Korean Knots,” maysa nga exhibit a pakaitampokan dagiti hand made knots, a ginasuten a tawen a nagbalin nga adorno dagiti pagan-anay dagiti Koreano, ken accessories, furniture, ken ceremonial objects.
Maangay met ti Philippines-Korea Cultural Exchange Festival 2024 inton Nobiembre 23, alas singko iti malem, iti Aliw Theater iti CCP Complex iti Pasay City.
