Agdagup iti PhP7 a bilion ti pannakadadael nga inyeg dagiti bagyo a Kristine ken Leon, kinuna ti Department of Agriculture (DA) itay Nobiembre 7.
Segun iti datos ti DA, inapektaran dagiti bagyo ti agarup 171,080 a mannalon ken mangngalap.
Nairaman iti lugar nga inapektaran dagiti bagyo ti Cordillera Administrative Region (CAR), Ilocos Region, Cagayan Valley, Central Luzon, CALABARZON, MIMAROPA, Bicol Region, Western, Central, ken Eastern Visayas, Zamboanga Peninsula, SOCCSKSARGEN ken Caraga Region.
Nadadael dagiti mula a pagay, mais, kamote, high-value crops, dingo ken manok, piskiria, agraman makinaria ken alikamen a pagtalon, ken impraestruktura iti agrikultura.
Dikay mangmangted iti limos, indagadag ti DWSD
Tapno mapalag-an ti epekto ti dua a bagyo, nangipaay ti DA iti PhP549.64 a milion a balor ti ramit a pagtalon, kas iti irik, mais, bukbukel ti nateng, agas, ken biologics para kadagiti dingo.
Kinuna ti DA a naiteddan ti 15,697 a sako ti lebben a bagas manipud iti National Food Authority (NFA) kadagiti local government units (LGUs), Department of Social Welfare and Development (DSWD), Office of Civil Defense (OCD), Non-Government Organizations (NGOs) ken didiputados iti Region I, III, IV, V, VIII, ken XII. (Jel Santos/Manila Bulletin//Lito Hilidon/Bannawag)
