Immiskor ni Donovan Mitchell iti 29 a puntos para iti Cleveland Cavaliers a nangatiw iti 131-122 kontra iti New Orleans Pelicans iti National Basketball Association iti Huebes, Nobiembre 7, 2024 (oras iti Filipinas).
Babaen daytoy a panangabak ti Cavaliers, nagun-odna ti rekord a kapintasan a panglukat iti NBA season iti pakasaritaan ti prangkisa.
Pope Francis, nakalasaten iti peggad gapu iti pneumonia ngem adda pay laeng iti ospital
Indauluan ni Mitchell ti balanse nga atake dagiti Cavaliers. Nangibinglay da Jarrett Allen iti 16 a puntos ken 14 a rebound, Caris LeVert iti 16 a puntos, Evan Mobley iti 15 a puntos, Darius Garland iti 14 a puntos ken Ty Jerome iti 11 a puntos.
Babaen ti kartada a 9-0, ti Cavaliers ti numero uno ita a team iti NBA a buklen ti 30 a team.
Ti Golden State Warriors nga addaan iti kartada a 7-1 (ken makitabla a numero uno iti Western Conference) ti sumaruno a kasango ti Cavaliers inton Sabado (oras iti Filipinas). (AST/Bannawag)
