Naarestar ti maysa a lalaki iti La Union gapu iti mapapati a panangkidnapna iti dua a menor de edad nga annak ti dati a kabbalayna, segun iti report ti National Bureau of Investigation (NBI) idi Huebes, Nob. 7.
Binigbig ti NBI ti lalaki a ni Jesushan F. Carino, a kinemmeg dagiti operatiba ti NBI Alaminos District Office (NBI-ALDO) idi Oktubre 29.
Naammuan iti report a naipresentar ni Carino para iti inquest proceedings iti Office of the City Prosecutor iti Dagupan City para iti "kidnapping and failure to return a minor as defined and penalized under Art. 270 of the RPC (Revised Penal Code); and Violence Against Women and their Children as defined in Section 5 (i) of RA (Republic Act) 9262, the Act Defining Violence Against Women and their Children; and additional violations under RA 7610, the Act Providing for Stronger Deterrence and Special Protection Against Child Abuse, Exploitation and Discrimination."
Kinuna ti NBI a naiwayat ti operasion kontra ken ni Carino kalpasan a nakaawatda iti reklamo manipud iti dati a live-in partner ni Carino. Segun iti reklamona, itay Mayo ken Hunio, intalekna ken ni Carino ti kustodia kadagiti annakna iti kondision nga isublinto ni Carino dagiti ubbing iti inada iti Hulio 1.
Ilocos Sur, Umuna a Puesto iti Regional SubayBAYANI Awards
"Nupay kasta, saan a naisubli ni Carino dagiti menor de edad nga ubbing iti ina dagitoy uray agingga idi Oktubre 29," kinuna ti NBI, "isu a nagpatulongen ti ina iti (NBI-ALDO)." (Jeffrey Damicog/Manila Bulletin)
