Impakaammo ti National Disaster Risk Reduction and Management Council (NDRRMC) ita, Nobiembre 8, nga addan nasurok a 20,000 a katao ti inapektaran ni Bagyo Marce iti Northern Luzon.

Maibatay iti datos ti NDRRMC, 20,674 a tao (7,233 a pamilia) ti naapektaran iti 239 a barangay iti Ilocos Region (Region 1), Cagayan Valley (Region 2), ken Cordillera Administrative Region (CAR), a nabiit pay nga inapektaran dagiti bagyo a “Kristine” ken “Leon” itay napan a bulan.

Nagistayan naitayab amin nga atep gapu iti napigsa nga angin nga inyeg ni Marce iti Buguey North Central School (BNCS) itay Nobiembre 7. (Ladawan: Pammadayaw ti Cagayan Provincial Information Office)

Kadagiti naapektaran, 14,389 a tao ti nayallatiw gapu iti panaglayus ken reggaay, ket naipanda ita kadagiti 186 a pagbakuitan.

Iti Cagayan, 700 a pamilia ti inispal ti Coast Guard Station Cagayan iti Aparri gapu ken ni Marce itay Nob. 7.

Nasional

Dikay mangmangted iti limos, indagadag ti DWSD

Nakaro a pannakadadael ti sinagrap ti Ballesteros, Cagayan a maysa kadagiti ili a binegbeg ni Bagyo Marce. (Pammadayaw ti Cagayan Provincial Information Office)

Awan ti naipakaammo a natay, ngem saan a madalanan ti walo a kalsada ken lima a rangtay iti Region 1 ken 2, agraman iti CAR. (Martin Sadongdong/Manila Bulletin//Lito Hilidon/Bannawag)