Idinto nga adda pay laeng iti ikub ti Philippine area of responsibility (PAR) ti Bagyo a "Marce," maysa a baro a low-pressure area (LPA) ti nasiputan ti Philippine Atmospheric, Geophysical and Astronomical Services Administration (PAGASA) a mabalin a sumrek iti PAR ita a rabii ti Biernes, Nob. 8 wenno inton agsapa ti Sabado, Nob. 9.
Kinuna ni PAGASA Weather Specialist Benison Estareja a nabukel ti LPA itay laeng a nasapa a bigat ti Biernes ken nagtaud daytoy kadagiti cloud cluster a sipsiputan ti PAGASA iti Pacific Ocean idi pay Huebes, Nob. 7.
Itay laeng 4 AM, addan ti LPA 1,975 a kilometro iti daya ti umabagatan a daya a Luzon.
Kinuna ni Estareja a mabalin a mabukel ti LPA a kas tropical depression apaman a makalas-ud iti PAR ket no agbalin a bagyo, mapanaganan iti "Nika" ken mabalin nga apektaranna ti adu a paset ti Luzon kadagiti masungad nga aldaw. (Ellalyn De Vera-Ruiz/Manila Bulletin)
