Iti panagbalinen ni "Ofel" (Usagi) a kas severe tropical storm, kinuna ti Philippine Atmospheric, Geophysical and Astronomical Services Administration (PAGASA) nga agtultuloy panurnoren daytoy, iti peggesna a 25 km/h, iti laud-amianan a laud a turongna, ti baybay ti Filipinas ket adda labitna nga ag-landfall iti dumaya a paset ti Cagayan wenno Isabela inton malem ti Huebes, Nob. 14.
Iti agdama, mapattapatta nga adda ti sentro ti mata ni "Ofel" 475 km iti daya nga amianan a daya ti Virac, Catanduanes wenno 595 km iti daya ti Daet, Camarines Norte (14.6 °N, 128.5 °E).
Segun pay iti PAGASA, pumigsa pay ni "Ofel" ket posible nga agbalinen a naan-anay a bagyo ita a Mierkoles, Nob. 13, a mabalin a pakaibayogan ti Signal No. 4 kadagiti dalananna a luglugar.
Sipsiputan met ti PAGASA ti Tropical Storm “Man-yi” iti Taaw Pasipiko, a nupay adda pay laeng iti ruar ti Philippine area of responsibility (PAR), maekspektar a lumas-ud iti PAR kadagiti sumarsaruno nga aldaw ket mapanaganan iti "Pepito." (MANILA BULLETIN/DOST-PAGASA)
