Pumigpigsa ti tropical storm nga addaan international name a “Man-yi” iti gunay daytoy nga agpalaud-umabagatan a laud iti yaasidegna iti Philippine area of responsibility (PAR) ita a bigat ti Huebes, Nob. 14.
Segun iti PAGASA, sumrek ti bagyo iti PAR ita a rabii ti Huebes ket mapanaganan iti "Pepito."
Apaman a makastrek iti PAR, kinuna ni PAGASA Assistant Weather Services Chief Chris Perez, nga agtultuloy nga agturong ti bagyo nga agpalaud-umamianan a laud ket mabalin nga ag-landfall iti Bicol Region wenno Eastern Visayas inton rabii ti Sabado, Nob. 16, wenno inton agsapa ti Domingo, Nob. 17.
Itay alas dies ti bigat, addan ti sentro ti bagyo 1,375 a kilometro iti daya ti amianan a daya a paset ti Mindanao ket addaan angin a 85 kph agingga iti 105 kph.
Kiddaw ni Quiboloy a Medical Furlough, inanamongan ti Pasig RTC
Mabalin a pumigsa pay daytoy ket agbalin a severe tropical storm kadagiti sumaruno nga oras ken posible nga agbalin a naan-anay a typhoon inton agsapa ti Biernes, Nob. 15. (Ellalyn De Vera-Ruiz/MB)
