SAN VICENTE, ILOCOS SUR—Maysa a lalaki nga agtawen iti 55 ti natay gapu iti maipagarup a panangpangpang-or ti kaanakanna babaen ti sangaputed a kawayan bayat ti panagsubangda iti Barangay Bantaoay, itoy nga ili idi rabii ti Martes, Nobiembre 12.
Binigbig ti polisia ti biktima a ni Mario U. Rebullo.
Segun iti imbestigasion, napan ti biktima iti balay ti suspek a ni Eddie B. Rebullo, 42, nga idi ket nabartek. Nabara ti sinnungbatda ket mapapati a kinarit ni Mario ni Eddie a rummuar daytoy ta agpinnatayda.
Kalpasan ti sinnungbatda, ni Eddie met ti napan iti balay ni Mario. Nadatnganna daytoy nga agtugtugaw ket maipapan a pinang-orna iti namitlo ti ulo ti biktima babaen ti sangaputed a kawayan. Natay a dagus ti biktima.
Coffee Festival, Maangay iti Ilocos Sur
Mangisaysayangkat dagiti pannakabagi ti linteg iti follow-up investigation ken sapsapulendan ni Eddie. (Freddie Lazaro)
