Dandani kagudua a bilang dagiti Filipino ti mangnamnama a sumayaat ti kalidad ti panagbiagda iti sumaruno a 12 a bulan, segun iti non-commissioned survey ti Social Weather Stations (SWS) a naisayangkat manipud Septiembre 14 agingga 23.
Imparang ti surbey ti SWS a naipablaak ita, Nobiembre 14, nga 47 a porsiento dagiti Filipino ti mamati a sumayaat ti biagda, ken 40 a porsiento ti mamati a saanto nga agbaliw dayta.
Kabayatanna, 5 a porsiento laeng ti mamati a dumakes ketdi ti panagbiag, ket 8 a porsiento ti saan a simmungbat.
Naisayangkat ti Third Quarter 2024 SWS a surbey babaen ti rupanrupa nga interbiu kadagiti 1,500 nga agkabannuag, nga agtawen iti 18 agpangato, iti entero a pagilian. (Ellalyn De Vera-Ruiz/Manila Bulletin//Lito Hilidon/Bannawag)
