Sagsaganaan dagiti naayat iti kotse ken kolektor ti maangay a publiko a subasta iti Bureau of Customs (BOC) para iti dua a napipintas a kotse a Bugatti Chiron inton Lunes, Nob. 18., iti alas 10:00 ti bigat iti 2nd Floor Conference Room ti Prefab Building iti Port Area, Manila.
Dua a Bugatti Chiron ti mairaman iti subasta ti BOC: asul a 2017 Bugatti Chiron ken nalabaga a 2019 Bugatti Chiron, agpada nalatak a lugan gapu iti naisangsangayan a kapeggesda--sumiag iti 0 agingga iti 60 a milia iti kada oras iti uneg ti nakurang a 2.5 a segundo laeng.
Nakompiskar dagitoy a naipuslit a naguguapo a lugan iti rugrugi daytoy a tawen ken paset itan ti inisiatibo ti BOC-Port of Manila tapno makaunong iti pondo ken tapno mawayaan ti storage facility ti BOC.
Naituding ti pangrugian a bid iti PhP334,238,820 para iti nalabaga a Bugatti Chiron ken PhP312,390,878 para iti asul a Bugatti Chiron. (Derco Rosal/MB)
