Impakdaar ti Philippine Atmospheric, Geophysical and Astronomical Services Administration (PAGASA) ti dawel ti ipangpangta ti super bagyo a ni "Pepito" kabayatan ti yaasideg daytoy iti umamianan a daya ti Kabikolan.

Iti advisory nga inruar ti PAGASA itay alas dos ti malem, Nob. 16, addan ti mata ti bagyo 145 a kilometro iti daya-umamianan a daya ti Catarman, Northern Samar, ken agturong daytoy nga agpalaud-umamianan a laud iti kapartak a 20 a kilometro kada oras nga addaan iti maximum sustained winds a 195 km/h iti matana ken pugsona nga umaboten iti 240 km/h.

Naibayog metten ti Tropical Cyclone Wind Signal (TCWS) No. 5 iti isla-probinsia ti Catanduanes.

Segun iti PAGASA, mabalin nga ag-landfall ni "Pepito" iti vicinity ti Catanduanes ita a rabii, Nob. 16, wenno inton agsapa no bigat, Nob. 17.

Nasional

Pakaisukatan ti Doliar iti Pisos iti Nobiembre 25, 2024

Nupay kasta, gapu iti agbaliwbaliw a turong ti bagyo, mabalin pay nga ag-landfall daytoy iti dumaya nga aplaya ti Camarines Sur wenno Albay no agpaabagatan bassit ti turongna; ken mabalin pay nga iti dumaya nga aplaya ti Quezon wenno Aurora inton malem wenno rabii no bigat, Nob. 17, no agpaamianan.

Pattapattaen met ti PAGASA a rummuar ti bagyo iti Philippine Area of Responsibility (PAR) inton Lunes, Nob. 18.

Adda metten iti TCWS No. 4 ti umamianan a daya a paset ti Camarines Sur (Garchitorena, Caramoan, Presentacion, Siruma, Tinambac, Goa, Lagonoy, San Jose, Tigaon, Sagñay) ken umamianan a daya a paset ti Albay (Siudad ti Tabaco, Tiwi, Malinao, Malilipot, Bacacay, Rapu-Rapu).

TCWS No. 3 met iti Polillo Islands, umabagatan a daya a paset ti mainland Quezon (Calauag, Guinayangan, Tagkawayan, Buenavista), Camarines Norte, ken ti dadduma a paset ti Camarines Sur, dadduma a paset ti Albay, ken umamianan a daya a paset ti Sorsogon (Prieto Diaz, Siudad ti Sorsogon, Gubat, Barcelona, Castilla, Casiguran, Pilar, Donsol). Sakupen pay ti Signal No. 3 dagiti dumaya ken tengnga a paset ti Northern Samar (Palapag, Laoang, Mapanas, Gamay, Lapinig, Catubig, Pambujan, Las Navas, Biri, Bobon, Catarman, Mondragon, San Roque, Silvino Lobos, Lope de Vega, San Jose) ken ti umamianan a daya a paset ti Eastern Samar (San Policarpo, Arteche, Oras, Jipapad).

Signal No. 2 metten iti umabagatan a paset ti Isabela (Dinapigue, Cordon, Ramon, Alicia, Siudad ti Cauayan, Angadanan, Siudad ti Santiago, San Isidro, Echague, Jones, San Agustin, San Guillermo, San Mariano, Benito Soliven, Naguilian, Palanan), Quirino, Nueva Vizcaya, dumaya a paset ti Pangasinan (San Nicolas, Umingan, Natividad, San Quintin, Tayug, Santa Maria, Rosales, Balungao, San Manuel, Villasis, Malasiqui, Bautista, Mapandan, Binalonan, Alcala, Asingan, Santo Tomas, Siudad ti Urdaneta, Laoac, Manaoag, Bayambang, Santa Barbara), Aurora, Nueva Ecija, Bulacan, Tarlac, Pampanga, umabagatan a paset ti Zambales (Botolan, Cabangan, San Marcelino, San Felipe, San Narciso, San Antonio, Castillejos, Subic, Olongapo City), Bataan, Metro Manila, Rizal, dadduma a paset ti Quezon, Laguna, Cavite, Marinduque, dadduma a paset ti orsogon, Burias Island, ken Ticao Island.

Adda pay iti Signal No. 2 ti tengnga a paset ti Eastern Samar (Dolores, Maslog, Can-Avid, Taft, Sulat, San Julian, City of Borongan), umamianan a paset ti Samar (Matuguinao, Calbayog City, Santa Margarita, San Jorge, San Jose de Buan, Tarangnan, Motiong, Gandara, Jiabong, City of Catbalogan, Paranas, Hinabangan, San Sebastian, Pagsanghan), ken dadduma pay a paset ti Northern Samar.

Imbayog metten ti PAGASA iti Signal No. 1 ti mainland Cagayan, dadduma pay a paset ti Isabela, Apayao, Kalinga, Abra, Mountain Province, Ifugao, Benguet, Ilocos Norte, Ilocos Sur, La Union, dadduma a paset ti Pangasinan, dadduma a paset ti Zambales, Batangas, umamianan a paset ti Occidental Mindoro (Sablayan, Santa Cruz, Mamburao, Abra de Ilog, Paluan) ken Lubang Islands, umamianan a paset ti Oriental Mindoro (Puerto Galera, San Teodoro, Naujan, Baco, Victoria, Socorro, Pinamalayan, Bansud, Gloria, Pola, Siudad ti Calapan, Bongabong, Roxas, Mansalay), Romblon, ken dadduma pay a paset ti Masbate.

Signal No. 1 pay iti dadduma a paset ti Eastern Samar, dadduma a paset ti Samar, Biliran, umamianan ken tengnga a paset ti Leyte (Tunga, Pastrana, San Miguel, Matag-Ob, Tolosa, Palo, Calubian, Leyte, Mayorga, Julita, Carigara, Babatngon, Dagami, Jaro, San Isidro, Santa Fe, Albuera, Villaba, La Paz, Palompon, Macarthur, Tabontabon, Tanauan, Merida, Ormoc City, Isabel, Dulag, Capoocan, Alangalang, Burauen, Tabango, Tacloban City, Kananga, Barugo, Abuyog, Javier, City of Baybay, Mahaplag), umamianan a daya a paset ti Southern Leyte (Silago), ti kaamiananan a paset ti Cebu (Daanbantayan, Medellin), including Bantayan Islands, ken ti kaamiananan a paset ti Iloilo (Carles) iti Visayas, ken umamianan a paset ti Dinagat Islands (Loreto, Tubajon). (Merlina Hernando-Malipot/MB)