Agarup PhP516.73 a milion ti balor dagiti nadadael nga impraestruktura gapu iti tallo nga agsasaruno a bagyo, segun iti Department of Public Works and Highways (DPWH) ita nga aldaw, Nobiembre 18.

Iti damo a panangtingiting ti DPWH, mapanen a PhP170.71 a milion ti balor ti nadadael a kalsada iti Cordillera Administrative Region (CAR) ken Region 2 (Cagayan Valley) gapu iti Bagyo Nika idi Nob. 11, Bagyo Ofel idi Nob. 14, ken Pepito idi Nob. 17.

Agbalor iti PhP7.24 a milion dagiti nadadael a rangtay iti Cagayan Valley, ken PHP338.79 a milion ti balor iti flood control a pasdek iti Rehion 2 ken 3 (Central Luzon).

Saan a mabalin a pagnaan ti Pangasinan-Nueva Vizcaya Road gapu iti reggaay. (Ladawan: Pammadayaw ti PIA Nueva Vizcaya)

Segun iti DPWH nga agingga itay 6:00 ti agsapa (Nob. 18), addan 12 a paset ti kalsada iti CAR, Cagayan Valley, Central Luzon, ken Rehion 5 (Bicol Region) ti saan a mabalin a pagnaan gapu iti nadumaduma a rason, nga isu dagitoy:

Nasional

Kiddaw ni Quiboloy a Medical Furlough, inanamongan ti Pasig RTC

1. Ti Banaue-Hungduan-Benguet Boundary Road iti Tukucan, Tinoc, Ifugao gapu iti panagreggay.

2. Ti Benguet-Nueva Vizcaya Road, Sitio Labas, Pito Bokod, Benguet gapu iti panagreggaay.

3. Cagayan-Apayao Road, Itawes Overflow Bridge 1 ken 2, Sta Barbara, Piat, Cagayan gapu iti nakurukor a sungaban ti rangtay.

4. Maharlika Highway, Barangay San Luis, Diadi, Nueva Vizcaya gapu iti naspak a kaykayo.

5. Aritao-Quirino Road, K0246+750, Nueva Vizcaya gapu iti naspak a kaykayo.

6. Bambang-Kasibu-Solano Road, Nueva Vizcaya gapu iti naspak a kaykayo.

7. Daang Maharlika-Jct. Malasin Road, Barangay Lamo, Dupax del Norte, Nueva Vizcaya gapu iti napuri a kayo.

8. Cordon-Aurora Bdry Road (Jct Dumabato- Aurora Bdry), Barangay Sangbay, Nagtipunan, Quirino gapu iti layus.

9. NRJ Villa Sur-San Pedro Cabua-an-Ysmael Disimungal Road, Barangay Villa Sur, Maddela, Quirino gapu iti layus.

10. Nueva Ecija- Aurora Road, Barangay Labi, Bongabon, Nueva Ecija gapu iti layus.

11. Catanduanes Circumferencial Road, Barangay Mavil, Bagamanoc, Catanduanes, gapu iti reggaay.

12. Baras – Gigmoto – Viga Road, paset ti Barangay Paniquihan iti ili ti Baras, Barangay Sicmil section iti ili ti Gigmoto, Dagiti Barangay Botinagan, Suboc, ken Buenavista section iti ili ti Viga, Catanduanes gapu iti reggaay, natumba a kaykayo ken poste, ken rebbek dagiti nadadael a balbalay. (Ferdinand Patinio//PNA//Lito Hilidon/Bannawag)