Maysa ni dati a presidente Rodrigo Duterte kadagiti im-imbestigaren ti maysa a task force nga idauluan ti Department of Justice (DOJ) maipanggep iti extrajudicial killings (EJK), segun ken ni DOJ Secretary Jesus Crispin C. Remulla, iti pannakiuman dagiti agiwarwarnak kenkuana ita a Lunes, Nob. 18.
Saan ketdi nga impalgak ni Remulla no asino dagiti maim-imbestigar, malaksid ken ni Duterte.
Kinunana a suksukimaten ti task force dagiti panaglabsing iti International Humanitarian Law (IHL) iti babaen ti Republic Act (RA) 9851, ti Philippine Act on Crimes Against International Humanitarian Law, Genocide, and Other Crimes Against Humanity.
Impalagip met ni Remula nga im-imbestigaren met ti International Criminal Court (ICC) ni Duterte gapu iti EJK a naaramid kabayatan ti drug war nga insayangkat ti dati a presidente.
Panagusar iti social media kadagiti pagbaludan, imparit ti BuCor
Segun ken ni Remula, uray saan a kameng ti Filipinas iti ICC, adda latta ti espiritu ti panagkakadua wenno panagtitinnulong (ti ICC ken Filipinas). (Jeffrey Damicog/MB)
