Nairaman ti Hello, Love, Again a pagbidaan da Alden Richards ken Kathryn Bernardo iti Top 10 iti US Box Office itoy napalabas a lawas.
Nakapastrek daytoy drama-romance a nagtinnulongan nga improdius ti Star Cinema ti ABS CBN ken GMA Pictures iti US$2.3 million iti panagngudo iti lawas. Isu ti maikawalo a kaaduan ti napastrek.
Iti makatlo nga aldaw laeng, nasurok a P90 million ti gross ticket sales ti nasao a pelikula. Baro a rekord daytoy para iti pelikula a Filipino.
Nangrugi a naglukat iti 500 a local cinema, maipabpabuyan ti pelikula iti 726 a pagsinean iti sibubukel a pagilian.
Gakat a mangipalubos nga agtrabaho dagiti Senior Citizen, inanamongan ti Kamara
Malaksid iti Filipinas ken US, maipabpabuya pay ti Hello, Love, Again iti Australia, New Zealand, Canada, Guam, Saipan ken nangrugi a naipabuya iti London idi Nobiembre 16.
Manamnama met a maipabuya daytoy pelikula, a sequel ti Hello, Love, Goodbye ken inderehe ni Cathy-Garcia-Sampana, idiay Singapore, Malaysia, Middle East, Cambodia ken Hong Kong itoy a bulan.
Robert Requintina//Manila Bulletin
