Gapu iti maekspektar a pannakaipangato ti inflation ken interest rates iti Estados Unidos iti babaen ti administrasion a Trump 2.0 (maikadua panagpresidente ni Donald J. Trump), mabalin a kumapuy ti ti pisos kontra iti doliar iti agingga iti 62 a pisos ti maysa a doliar, segun iti Capital Economics, maysa a London-based think tank.
Iti inruar ti Capital Economics a foreign exchange (FX) forecasts itay Nobiembre 15, a pakakitaan iti epekto iti ekonomia iti panakabotos manen ni Trump a kas presidente ti US, nakita ti posible a panagbaba ti balor dagiti kuarta iti Asia iti nagbaetan ti 3 a porsiento ken 10 a porsiento no idilig iti US dollar ita agingga iti panaggibus ti 2025.
Para iti pisos, ipakita ti kaudian a projection ti Capital Economics a mabalin a kumapuy daytoy manipud iti agdama a PhP58.8:US$1 agingga iti PhP59:US$1 iti ngudo ti 2024 ken bumaba pay agingga iti PhP62:US$1 iti ngudo ti 2025.
Maekspektar met a bumaba ti balor ti dadduma pay a kuarta iti Asia kas kadagiti kuarta ti South Korea, Indonesia, Thailand, Malaysia, Taiwan, Singapore, ken India, inton sumaruno a tawen. (Derco Rosal/MB)
