Napagtalinaed ni Jon Jones ti korona iti UFC heavyweight babaen ti KO iti maikatlo a rikus kontra ken ni Stipe Miocic iti labanda iti main event ti UFC 309 iti Madison Square Garden iti New York idi Domingo, Nobiembre 17, 2024 (oras iti Filipinas).
Iti sanguanan da nabotosan a Presidente ti USA Donald Trump, Elon Musk, ken Robert Kennedy Jr. ken mapan a 20,200 a katao, impaneknek manen ni Jones (28-1-0; 1 NC) a maysa kadagiti kalaingan, no di pay kalaingan a mixed martial artist iti pakasaritaan ti nasao nga sport. Manipud iti rugi ti laban, immatakar nga immatakar ni Jones babaen dagiti serye ti danog ken kugtar a ti naudi iti bakrang, isu ti namagkusbo ken ni Miocic, a maysa met laeng kadagiti kasiglatan iti nasao nga sport. Impakaammo ni Miocic (20-5) kalpasan ti laban ti panagretirona.
Resolusion ti UN nga agkidkiddaw ti ceasefire iti Gaza, saan a pinaboran ti Estados Unidos
Manamnama a ni Tom Aspinall a maysa a Briton ken akin-iggem iti interim a korona iti UFC heavyweight ti sumaruno a kalaban ni Jones. Kuna ketdi ni Jones a kaykayatna a kalaban ni Alex Pereira, maysa a Brazilian ken akin-iggem iti korona iti light heavyweight. (AST)
