Pinirmaan da Sekretario ti Department of National Defense (DND) Gilberto Teodoro Jr. ken Sekretario ti Department of Defense ti Estados Unidos (US) Lloyd J. Austin III ti General Security of Military Information Agreement (GSOMIA) iti Armed Forces of the Philippines (AFP) headquarters ita nga aldaw, Nobiembre 18.
Ti GSOMIA ti katulagan maipapan iti panagbinninglay iti makunkuna a "classified" a militar nga impormasion tapno ad-adda a mapauneg ti panagkadua dagiti dua a pagilian.
Babaen daytoy, magun-odan ti Filipinas ti ad-adu a kapasidad ken adu a tagilako manipud iti US ken mangsurot kadagiti umasping a katulagan kadagiti pagilian nga addaan iti kapadada a kapanunotan.
Kinuna ni hepe ti AFP Gen. Romeo Brawner Jr. a dimmara-ay iti seremonia, ti pannakayusuat ti tulag ti panangrugi ti baro a panawen iti panagtinnulong ken panagkadua ti Filipinas ken US, kangrunaan ti puersa militarda. (Priam Nepomuceno/PNA//Lito Hilidon/Bannawag)
