Mabalin a sumangpet iti Filipinas ti angin ti amianan (northeast monsoon) wenno "amian" iti daytoy a Mierkoles wenno Huebes, Nobiembre 20 wenno 21, a mangyeg iti nalamiis a panawen iti pagilian kadagiti sumaruno a bulan, kas kinuna ti Philippine Atmospheric, Geophysical and Astronomical Services Administration (PAGASA).
Segun ken ni Weather Specialist ti PAGASA Benison Estareja ita, Nobiembre 19, aggapu ti nalamiss nga angin iti kadaklan nga Asia, nga agpaut manipud Nobiembre agingga iti Marso ken madanon ti kangitingitanna inton Disiembre agingga Pebrero.
Innayon ni Estareja a marikna ti epekto ti amian iti kaaduan a paset ti Luzon, Visayas, ken dadduma a paset ti Mindanao. Mabalin pay a mangyeg iti tudo iti daya a paset ti pagilian.
Iti sabali a bangir, awan ti nasaripatpatan a bagyo a mabalin a sumrek iti Filipinas iti las-ud ti tallo nga aldaw. (Ellalyn De Vera-Ruiz/Manila Bulletin//Lito Hilidon/Bannawag)
