Dinutokan ni Presidente Ferdinand Marcos Jr. ni Associate Justice Fernanda Lampas-Peralta a kas baro a Presiding Justice ti Court of Appeals (CA), segun iti pakaammo ti Presidential Communications Office (PCO) ita nga aldaw, Nobiembre 19.
Nagsapata ni Peralta iti Malakanyang itay Nobiembre 18.
Nagpaay ni Peralta, kaingungot ni Chief Justice Diosdado Peralta, a kas associate justice iti CA iti nasurok a 20 a tawen.
Sakbay ti pannakadutokna, nagpaay ni Peralta a kas acting presiding justice ti CA iti dua a bulan kalpasan a nagretiro ni Presiding Justice Remedios Salazar Fernando idi Septiembre 2023.
Kiddaw ni Quiboloy a Medical Furlough, inanamongan ti Pasig RTC
Iti naglabas, nagserbi ni Peralta iti Office of the Solicitor General (OSG) kas associate solicitor ken kas trial attorney.
Nagpaay met a part-time instructor ti accountancy iti undergraduate program ti University of the East manipud 1981 agingga 1983.
Nairuar ni Peralta ti Certified Public Accountant board exam idi 1980, ken ti Philippine Bar Exam idi 1984. (Raymund Antonio/Manila Bulletin//Lito Hilidon/Bannawag)
