Impakaammo ni Lisa, maysa a kameng ti K-Pop group a Blackpink, a mairuar inton Pebrero 28 inton umay a tawen ti matagtagiuray a debut solo album-na a napauluan iti “Alter Ego.”
Imparipiripen ‘toy nalatak iti sangalubongan a rapper, kumakanta, sumasala, ken style icon daytoy nga albumna iti babaen ti LLOUD Co, and RCA Records iti maysa a paskilna iti social media itay napalabas a lawas.
Naipakaammo daytoy nga album ni Lisa iti arinunos ti tawen a maibilang a record breaking para iti career-na. Isu ti linaon dagiti headlines ti Billboard itoy a tawen, banag a nagkunaanda kenkuana kas kaunaan a global cover star ti Billboard.
Nagbalin ngamin nga akkub ti sangapulo nga edision ti Billboard, pakairamanan ti Billboard US, Billboard Arabia, Billboard Brazil, Billboard Canada, Billboard Espanol, Billboard Italia, Billboard Japan, Billboard Korea, ken Billboard Philippines.
Gakat a mangipalubos nga agtrabaho dagiti Senior Citizen, inanamongan ti Kamara
Naitampok pay iti Hollywood issue ti Vanity Fair para iti mapaspasangasangan a panagparangna iti Season Three ti The White Lotus ti HBO.
(Jonathan Hicap/Manila Bulletin)
