Naitabla ni Dalton Knecht ti rekord ti NBA para iti maysa nga ay-ayam ti maysa a rookie babaen ti siam (9) a 3-pointers idinto nga immiskor iti 37 a puntos iti ay-ayam a nangatiwan ti team daytoy a Los Angeles Lakers kontra iti Utah Jazz 124-118 ita, Mierkoles, Nobiembre 20, 2024 (oras iti Filipinas).
Daytoy ti maikanem iti agsasaruno a panangatiw ti Lakers. Nangibinglay met da LeBron James iti 26 puntos ken 12 assist, Anthony Davis iti 26 puntos ken 14 rebound, ken Austin Reaves iti 17 puntos.
Addaanen ti Lakers iti 10-4 a kartada para iti maikatlo a seed iti Western Conference ti nasao a liga. (AST)
Internasional
