Indauluan ni Presidente Ferdinand Marcos Jr. (PBBM) ti pannakaibunong ti 2,939 a Certificate of Condonation with Release of Mortgage (COCROM) ken nangipaay iti 30 a Certificate of Land Ownership Award (CLOA) kadagiti nasurok a 2,487 nga Agrarian Reform Beneficiaries (ARBs) iti Bacolor, Pampanga ita nga aldaw, Nobiembre 21.
Kinuna ni PBBM a makatulong ti pannakaiwaras dagiti COCROM ken CLOA a mangpalag-an iti kasasaad dagiti mannalon kalpasan ti agsasaruno a bagyo a dimteng iti pagilian iti napalabas a bulan.
Babaen ti panangawatda iti COCROM, mawaswasen ti utang dagiti ARB nga agdagup iti PhP206.38 a milion agraman ti amortization, interes, ken dadduma pay a babayadan.
Inyebkas ni Bise Gobernador ti Pampanga Lilia Garcia Pineda ti panagyamanna ken ni Presidente Marcos ken iti Sekretario ti Department of Agrarian Reform (DAR) a ni Conrado Estrella iti panangtamingda iti pagimbagan ken kasapulan dagiti mannalon.
Kai Sotto, indauluanna ti panangatiw ti Gilas kadagiti Tall Blacks ti New Zealand
Agingga idi Nobiembre 17, agdagup iti 41,675 a COCROM ti naiwarasen ti DAR, idinto a 160,516 a CLOA naiwaras manipud Hulio 2022 agingga iti Nobiembre 2024. (Argyll Cyrus Geducos/Manila Bulletin//Lito Hilidon/Bannawag)
