Malaksid iti pannakaiparit iti panagusar iti selpon, maiparit met kadagiti empleado ti Bureau of Corrections (BuCur) ti manglukat iti social media platform bayat ti kaaddada iti trabaho iti pagbaludan iti entero a pagilian.
Kinuna ni Director General ti BuCor Gregorio Pio P. Catapang Jr. a naipaulog daytoy naan-anay ti seguridad ken mataginayon ti propesionalismo.
Ngem kinuna ni Catapang a mabalin nga usaren dagiti empleado dagiti opisial nga email ti BuCor kas iti Gmail ken Yahoo, tapno adda latta komunikasionda bayat a salimetmetanda ti pagalagadan ti institusion ken seguridad.
Naipaulog ti pannakaiparit ti panagusar iti selpon itay Nobiembre 19.
Kiddaw ni Quiboloy a Medical Furlough, inanamongan ti Pasig RTC
Binilin ni Catapang dagiti dadaulo ti amin nga Operational Prison and Penal Farms (OPPFs) ti BuCor nga ingetanda ti seguridad kadagiti amin a pagserkan ken pagruaran tapno maliklikan ti panagipuslit iti selpon ken iwayatda ti regular a panangsukimat iti pasilidad agraman ti random inspection kadagiti dormitorio ti pagbaludan ken kadagiti lugar a pagtrabahuan dagiti empleado ti BuCor.
Imbilin met ni Catapang ti panaggatang ti ad-adu a two-way radio kas alternatibo a wagas ti komunikasion. (Jeffrey Damicog/Manila Bulletin/Lito Hilidon/Bannawag)
