Impakdaar ni Diputado ti Surigao del Norte 2nd district Robert Ace Barbers ti mapapati a panangibaon ti China kadagiti "bilog a pagkalap" iti West Philippine Sea (WPS).
Segun iti daulo ti Quad-committee (quad-comm) ti Kamara, saan a pudpudno a mangngalap dagiti naglugan iti nagpammarang a bilog a pagkalap ti China, no di ket kameng ti Chinese Coast Guard (CCG) wenno Chinese Navy.
Kinuna ni Barbers a nalatak ti China iti panagaramid kadagiti produkto a peke nga ilaklakoda iti merkado ti Filipinas, ket ita, addaanda metten ti peke a bilog a pagkalap.
Iti kallabes, imbutaktak daytoy ni Sekretario ti Department of National Defense (DND) Gibo Teodoro kalpasan a sinarungkaranda ti Palawan.
Kiddaw ni Quiboloy a Medical Furlough, inanamongan ti Pasig RTC
Kinuna ni Barbers a posible met a nangibaon ti China iti soldadona iti Filipinas a nanglimlimo a kas mangmangged iti Philippine Offshore Gaming Operator (POGO), ket mabalin nga espia dagitoy a nangsisiim kadagiti ar-aramiden ti militar ti pagilian.
Kinuna ni Barbers a kayat ti China a bigbigen ti internasional a komunidad ti inkeddengda a teritorio ngem saanda met a raemen ti Filipinas ken dagiti dadduma pay a pagilian, gapu ti agtultuloy a panangrautda iti 200 a milia nga exclusive economic zone (EEZ) ti Filipinas, kas indeklarar ti UNCLOS. (Ellson Quismorio/Manila Bulletin//Lito Hilidon/Bannawag)
