Inatiw ti College of St. Benilde Blazers ti defending champion a San Beda University Red Lions babaen ti iskot a 79-63 ay-ayam dagitoy iti liga ti basketbol dagiti lallaki ti NCAA Season 100 Cuneta Astrodome iti Pasay City idi Sabado, Nobiembre 23, 2024. Babaen daytoy, kasangoda ti Mapua University Cardinals para iti laban iti championship.
Saan a pinaanges ti Blazers ti Red Lions nga immabot pay agingga iti 30 puntos ti lamangda. Agsubli ti Blazers iti finals a kaudian a nagtengda idi 2022.
Australiano, 2 pay, natiliw gapu iti bogus a doliar
Indauluan ni Allen Liwag ti St. Benilde babaen ti 20 a puntos ken 8 a rebound idinto a nangipaay da Winston Ynot ken Jhomel Ancheta iti 17 ken 11 a puntos, kas panagsaganadda, agraman ti nagtipon a 9 a rebound ken 9 nga assist.
Kabayatanna, sanguen ti Blazers ti Cardinals iti Game 1 ti NCCA finals inton Sabado, Disiembre 1. (AST)
