Nagsublin ni Presidente Ferdinand R. Marcos Jr. iti Filipinas ita nga aldaw, Nobiembre 27, kalpasan ti "apagbiit, ngem nabunga unay" a maysa-aldaw nga isasarungkarna iti United Arab Emirates (UAE).
Segun iti Presidente, panggep ti panangsarungkarna ti pnananglagip iti 50 a tawen a "natibker ken nasinged, ken rumangrany-ay a singgalut ti Filipinas ken UAE.
Bayat ti kaaddana iti UAE, napirmaan ti sumagmamano a katulagan iti benneg ti kultura, enerhia, legal cooperation, artificial intelligence ken digital nga ekonomia, pannakapasayaat iti aktibidad ti gobierno, visa waiver kadagiti addaan iti diplomatic, special, ken official a pasaporte, ken investment cooperation.
Nakiinnabrasa met ni Presidente Marcos iti Presidente ti UAE His Highness Sheikh Mohamed bin Zayed Al Nahyan, a nagyamananna gapu iti panangtaripato ken panangraemda iti kagimongan dagiti Filipino iti UAE.
'Ti Bassit a Prinsipe,' napadayawan a kapintasan a naipatarus a libro iti Ilokano iti Maika-42 a National Books Awards
Kas sungbat, pinadayawan ti Presidente ti UAE dagiti Filipino gapu iti kontribusionda iti panagrang-ay ti pagilian.
Kinuna ni Presidente Marcos nga inawisna ni Sheikh Al Nahyan iti Filipinas tapno maituloy ti panagpatangda mainaig iti dadduma pay a benneg a mabalin a pagtinnulongan dagiti dua a pagilian. (Darryl John Esguerra/PNA//Lito Hilidon/Bannawag)
