Nangteden iti palawag ni Parokya ni Edgar lead vocalist Chito Miranda mainaig iti kaso a nakairamanan ti asawana a ni Neri Naig.
Iti Facebook post ni Chito idi kalman, Mierkoles, Nobiembre 27, kinunana a saan pay a pulos nanglokloko ti asawana iti sabali a tao.
“Never nanloko si Neri, at never sya nanlamang sa kapwa. Never siyang kumuha or nanghingi ng pera kahit kanino man. Alam ng lahat yan. Tulong lang sya ng tulong hangga't kaya nya,” kinuna ni Chito iti FB post daytoy.
Innayonna, “Minsan kahit di na nakakabuti sa kanya. Kadalasan nga, naaabuso na sya pero hinahayaan nya nalang, basta wala syang ginawang masama. Pinapasa-Diyos nya na lang.”
2 a menor de edad iti Ilocos Sur, natay iti pannakaidungpar ti motorsikloda
Pammadayaw a ladawan: Chito Miranda (FB)
Kinuna ti bokalista nga endorser laeng ni Neri iti maysa a produkto; inaramatda laeng ti rupana tapno makaalada iti imbestor.
Kas kuna ni Chito, “Kinasuhan sya ng mga nabiktima. Tapos last week, bigla na lang syang inaresto for the same case kahit hindi pa sya binigyan ng notice na may bagong criminal complaint pala laban sa kanya, and di nya na-defend yung sarili nya.”
Innayonna: “Wala syang nareceive na letter from the prosecutor, walang subpoena, walang kahit anong notice. Yung mga dati, nareceive namin nya, at nag comply sya, (alam naman ng lahat na madali kami mahanap sa Alfonso).”
Iti agdama, kinuna ni Chito a na-dismiss metten dagiti kaso ti asawana iti sabsabali a lugar ket mangnamnama a kastoy met ti mapasamak kadagiti nabati pay a kasona.
Sakbayna, nadakamat ni showbiz insider Ogie Diaz iti showbiz-oriented vlog daytoy a “Showbiz Updates” ti maipanggep iti pannakakemmeg ni Neri. Kuna ni Diaz a maipanggep daytoy iti panaglabsing iti Republic Act (RA) 8799 wenno "Registration of Brokers, Dealers, Salesmen and Associated Persons" iti Security of Exchange Commission.
Iti met report ti ABS-CBN News idi kalman, Mierkoles, Nobiembre 27, naammuan nga adda agnagan iti Neri, maysa nga aktres a negosiante, ti tiniliw ti Southern Police District idi Martes, Nobiembre 26. (Ralph Mendoza/ Balita)
