Linaklaka ti De La Salle University nga inabak ti Adamson, iti iskor a 70-55, iti liga ti basketbol dagiti lallaki iti Season 87 ti UAAP iti Smart Araneta Coliseum idi Sabado, Nobiembre 30.
Impakat it Green Archers ti 14-1 nga iskor iti maikadua a quarter, immadas para iti naan-anay a lamang ket saanen a nakaalut-ot pay ti Soaring Falcons.
LTO, inkarina nga addanton plaka dagiti amin a traysikel agingga iti Abril 30
Babaen daytoy, naurnos ti panagsangoda manen ken ti University of the Philippines iti serye ti tallo nga ay-ayam, a marugian inton Disiembre 8, para iti kampeonato ti nasao a liga.
Sakbay ti ay-ayam ti La Salle ken Adamson, inatiw ti Fighting Maroons ti napinget a UST Growling Tigers iti iskor a 78-69 a nagpangalanda para iti maikapat a diretso a pannakilabanda para iti kampeonato.
Nakagun-od ni Kevin Quiambao, MVP iti nagsaruno a dua a tawen, iti 14 a puntos idinto a nangibinglay ni Mike Phillips iti 8 a puntos, 7 a rebound, ken uppat nga assist. (AST)
