Impila dagiti nadumaduma a gunglo agraman dagiti biktima ti extrajudicial killings (EJKs) ti impeachment complaint kontra ken ni Bise Presidente Sara Duterte iti Kamara ita nga aldaw, Disiembre 2.
Ni dati a Senadora Leila De Lima ti nangidaulo kadagiti grupo a nangipila iti impeachment complaint iti opisina ni House Secretary General Reginald Velasco itay 2:30 ti malem (Dis. 2).
Maysa a kangrunaan a paset ti panangidatag iti impeachment complaint ti panangyendorso ti maysa a kameng ti Kamara, nga isu ni Diputado ti Akbayan Party-list Perci Cendaña.
No awan ti diputado a mangyendorso, awan mamaay ti impeachment complaint; ngem no adda nangyendorso iti daytoy, matungpalna ti umuna a rekititos iti proseso iti pannakaikkat ti maysa a nabotosan nga opisial, kas ken ni BP Duterte. (Ellson Quismorio/Manila Bulletin)
