Sumagmamano laeng a di agtutunos a probision iti 2025 General Appropriations Bill (GAB) ti nasken a tamingen ti bicameral (bicam) conference committee, segun ken ni daulo ti Finance Committee Senadora Grace Poe.
Opisial a naluktan ti bicam idi Nobiembre 28. Adda nadutokan a technical working group (TWG) a mangtaming iti di agtutunos a bersion ti 2025 GAB.
Nadakamat ni Poe ti pannakaisubli ti Ayuda sa Kapos ang Kita Program (AKAP) iti lebel ti 2025 National Expenditure Program (NEP). Saan a nairaman ti AKAP iti 2025 NEP ngem insingit daytoy ti Kamara iti bersionda ti General Appropriations Act (GAA).
Iti biang ti Senado, kameng ti bicam committee da Sherwin Gatchalian, Juan Miguel Zubiri, JV Ejercito, Francis Tolentino, Jinggoy Estrada, Francis "Chiz" Escudero, Grace Poe, Aquilino "Koko" Pimentel, Risa Hontiveros, Cynthia Villar, Joel Villanueva, Ronald "Bato" dela Rosa, Imee Marcos, Christopher "Bong" Go, ken Mark Villar.
Kampania kontra pannakamanipular ti presio ti bagas, isayangkat ti DA
Kinuna ni Escudero a nupay atiddog ken narikut ti akem ti TWG, namnamaenna a mairingpas ti trabahoda sakbay ti Christmas break ti Senado, tapno addaan naanamongan a badiet inton Enero 1, 2025. (Dhel Nazario/Manila Bulletin//Lito Hilidon/Bannawag)
