"Awan ti pakainaigan ti Presidente iti dayta."
Daytoy ti kinuna ti Malakanyang ita nga aldaw, Dis. 3, maipapan iti umuna nga impeachment complaint a naipila maibusor ken ni Bise Presidente Sara Duterte.
Segun ken ni Executive Secretary Lucas Bersamin, dagiti pribado nga umili ti nangidatag iti impeachment complaint iti Kamara idi Lunes (Dis. 2), ket kalintegan ti asino man a kameng ti Kamara ti pannakayendorso daytoy.
Impetteng ti Malakanyang nga awan ti pakainaigan ti Office of the President (OP) iti impeachment complaint nga indatag dagiti nadumaduma a gunglo nga indauluan ni dati a senador Leila de Lima.
17 a Vlogger, nagkamang iti Korte Suprema
Idi Nob. 28, naiwaras ti maysa a text message nga agkidkiddaw kadagiti kameng ti Kamara nga agkedkedda a mangidatag iti impeachment complaint kontra iti Bise Presidente, ta saan a napateg daytoy. (Betheena Unite/Manila Bulletin//Lito Hilidon/Bannawag)
