SIUDAD TI BACOLOD – Maysa nga agedad iti 20 a balasang nga ina (single mother) ti nakoronaan a Miss Universe Philippines-Negros Occidental.
Inatiw ni Franches Anne Laquibla, mangibagi iti ili ti Pontevedra, Negros Occidental, ti 20 a sabali pay a kandidata iti koronasion a naangay iti SMX Convention Center itoy a siudad.
Nagyaman ni Laquibla, addaan iti maysa ti tawenna nga anak a lalaki, iti team-na, pamilia, ken dagiti mangsupsuportar kenkuana a nangtultulong ken nangpatpatibker iti nakemna sipud nangrugi ti pannakigasangasatna iti salip ti kinapusaksak ken kinasirib.
"Patiek a masapul a selebrarantayo amin a langa ti kinatao ken agtalimudoktayo iti panangawat iti bukod a bagi imbes nga agsadagtayo kadagiti saan a maikanatad a pagannurotan. Masarakan ti pudpudno a kinapintas iti panangaklon iti no asinoka," kinunana.
Dua a suspek iti droga, nakemmeg iti Bacoor
Ni met Louise Lian Enumerable Bobe, agtawen iti 28 a banker ken addaan asawa ken anak ken nangibagi iti ili ti Murcia, ti nakoronaan a Miss Universe Philippines-Bacolod. Siaasawa ni Bobe ken ni Adrian, anchor ti GMA Regional TV One Western Visayas. Addaanda iti agtawen iti tallo nga anak a babai.
Makisalipto da Laquibla ken Bobe iti Miss Universe Philippines national pageant inton Pebrero-Abril 2025. (Glazyl Masculino/MANILA BULLETIN)
