Nakompiskar ti Philippine National Police Regional Office-Cordillera Administrative Region ti agpateg iti PhP80.9 a milion a shabu ken marihuana ken naarestarda ti 27 a mapapati a drug pusher kabayatan ti anti-illegal drug operations a naiwayat manipud Nobiembre agingga iti 30, 2024.
Segun ken ni Police Brig. Gen. David Peredo Jr., insayangkatda ti 62 a kampania para iti pannakapugipog ti marihuana, 9 a buy-bust operations, 4 a search warrant operations, 8 a warrants of arrest, ken 6 a panagresponde ti polis.
Nakompiskar ti 88.59 a gramo ti mapapati a shabu, napag-ut ti 248,280 a dadakkelen a pinuon ti marihuana, nakaalada iti 39,300 a patubo a marihuana, 242,000 a gramo ti naipamaga a bulong ken fruiting tops ti marihuana, ken 180 a milliliter ti lana ti marihuana.
Sangapulo ket pito kadagiti natiliw a suspek ti maikonsiderar kas high-value individuals ken 10 ti street-level individuals.
Impeachment complaint kontra ken ni VP Sara Duterte, addan iti Senado
Nakakompiskar ti Benguet Police Provincial Office iti ilegal a droga nga agpateg PhP51,909,708; ti Kalinga PPO, iti PhP19,782,160,; ken ti Mountain Province PPO, PhP9 a milion. (Zaldy Comanda/MANILA BULLETIN)
