Tiniliw dagitri autoridad ti dua a suspek a mainaig iti droga ken nasamsam ti PhP408,000 a balor ti maatap a shabu iti maysa a buy-bust operation a naisayangkat iti Siudad ti Bacoor itay rabii ti Martes, Dis. 3.
Binigbig ti Cavite Police Provincial Office (PPO) dagiti suspek a da alias Edoy ken alias Lea Lou.
Kinuna ti polis a maibilang a "high value target" iti kampania kontra iti ilegal a droga dagiti suspek.
Nasamsam iti nasao nga operasion ti pito a heat-sealed transparent plastic sachet a naglaon iti 60 a gramo a white crystalline substance.
'Kagudua-tasa nga innapuy,' panglapped iti pannakasayang ti bagas --DA
Adda itan iti sidong ti Bacoor Component City Police Station (CCPS) da alias ken Edoy ken alias Lea Lou, ket maidarumda iti kaso a mainaig iti droga. (Carla Buato Deña/Manila Bulletin//Lito Hilidon/Bannawag)
