Kinompirmar ti Philippine Statistics Authority (PSA) nga awan ti ikutda a rekord ni "Mary Grace Piattos" a kas iti pannakayanak, panagasawa, wenno ipapatay.
Segun ken ni House Committee on Good Government and Public Accountability Chairman Manila 3rd district Rep. Joel Chua, naawatda ti sertipikasion wenno panangkompirmar ti PSA maipapan ken ni "Mary Grace Piattos" a mangpaneknek met iti kaawan daytoy a tao wenno naparparbo laeng ti kaaddana.
Malagip a ni "Mary Grace Piattos" ti maysa kadagiti nagpirma kadagiti acknowledgement receipt (AR) para iti confidential funds nga indatag ti Office of the Vice President (OVP) iti Commission on Audit (COA). (MANILA BULLETIN)
Nasional
