Kinompirmar ti Malakanyang a nagsasarita da Presidente Marcos ken dagiti dadduma a kameng ti Kamara iti Palasio ti Malakanyang itay Mierkoles, Dis. 4, tapno makapaglalangenda.
Segun iti Presidential Communications Office (PCO), nabayagen a naikeddeng ti nasao a panagtataripnong tapno makapaglalangen met ti Office of the President (OP) ken dagiti kameng ti Kamara.
Kinuna ti PCO a dimmar-ay iti naangay a "panaglalangen" da House Speaker Martin Romualdez ken Majority Floor Leader Manuel Jose "Mannix" Dalipe.
Naangay ti taripnong iti aldaw a pannakaidatag ti maikadua nga impeachment complaint maibusor ken ni Bise Presidente Sara Duterte iti Kamara. (Betheena Unite/Manila Bulletin//Lito Hilidon/Bannawag)
Nasional
