Imbinglay ni "Incognito" star Maris Racal ti kunana a pudno a rason ti panagsinada iti dati a nobiona a ni Rico Blanco.

Iti eksklusibo nga interview ti ABS-CBN News ita a Biernes, Disiembre 6, kinuna ni Maris nga impudnona ken ni Rico ti riknana iti ka-loveteam-na a ni Anthony Jennings.

Kinunana, "Idi nariknak nga adda dumakdakkel nga atension iti nagbaetanmi ken Anthony, nayagusak iti  emosionko. Ket ammok a madi dayta," kinuna ni Maris.

Photo Courtesy: Screenshot manipud iti ABS-CBN News (YT), Rico Blanco (IG)

“I came clean right away. I told my ex everything and I admitted things to him. And then we broke up,” innayon ti aktres.

Nasional

Impeachment complaint kontra ken ni VP Sara Duterte, addan iti Senado

"Saan a nalaka daytoy. Narigat unay daytoy kaniak. Impakaammok ti break up. Ti rason  a nagbalinak nga emosional unay bayat ti interbiu ket gapu ta tengtenglek ti kinapudno, dayta ti kinapudno."

Anthony Jennings (Pammadayaw ti ABS-CBN)

Impeksa ni Maris daytoy kalpasan nga inawatna ti responsibilidadna iti kontrobersia a nakairamananda ken Anthony.

"Ita nga aldaw, akuek ti responsilidadko iti amin. Nagkamaliak ken kayatko nga ibaga ti sorry iti amin nga inaramidko," kinunana.

Nangrugi a binabalaw dagiti netizens da Maris ken Anthony kalpasan nga impalgak ti dati a partner ni Maris (ni Rico Blanco) ti kinamanangliliput ni Maris.