BANGUED, Abra—Sinuspende ti Deputy Executive Secretary for Legal Affairs ti Opisina ti Presidente ni Gobernador ti Abra Dominic Valera gapu iti reklamo nga impila ti asawa ni Sangguniang Bayan member Juan Palcon ti ili ti Bucay a natay gapu iti sakit itay napan a tawen.
Nasuspende pay ni Bise Gobernador Joy Bernos nga immunan a nasuspende iti 18 a bulan kalpasan a naduktalan a nagbasol iti panangirurumen (oppression), panangabuso iti turay (abuse of authority), conduct unbecoming of a public official, ken disobedience to government policies gapu iti panangipakat iti community lockdown a nangapektar iti serbisio dagiti ospital bayat ti pandemia idi 2020.
Pinirmaan ni DESLA Anna Liza G. Logan ti pannakasuspende ni Valera iti uneg ti 60 nga aldaw maibatay iti Local Government Code (LGC) ti 1991 ken maaddaan iti bileg daytoy apaman a maawat ti pammilin (order).
Impila ni Febes Alzate Palcon ti reklamo kalpasan a sabali a tao, imbes nga isu, ti nangsukat iti asawana.
US Marine, nalmes iti Ilocos Norte
Kinunana a rumbeng nga isuna koma ti pakaitedan ti puesto ti pimmusay nga asawana. Nangipatugaw ni Valera iti sabali a tao, a panaglabsing iti LGC, kinuna ni Febes. Kinunana pay a ti tao a nakaitedan ti posision ket inyendorso ni Bernos.
(Freddie Lazaro/Manila Bulletin)
