Binallaagan ti Department of the Interior and Local Government (DILG) ti publiko kontra kadagiti sumagmamano nga agpampammarang iti kinatao ni Secretario Juanito ‘Jonvic’ Remulla nga agkidkiddaw iti kontribusion para iti maysa nga organisasion.
“Pangngaasiyo ta ammuenyo nga awan ti aramidmi a kasta ken awan ti naikkan iti pammalubos nga agsolisit,’’ kinuna ti sekretario.
Mismo a ni Remulla ti nangguyugoy iti publiko a saanda a patpatien daytoy nga aramid ken dagus nga agreportda iti 0968-878-3561 no makaawatda iti kasta nga agkidkiddaw iti pundo.
Immunan a binallaagan ni Remulla dagiti kameng ti DILG a saanda nga umawat iti regalo kas maitunos iti ”no-gift policy” para kadagiti empleyado ken opisial ti gobierno.
LTO, inkarina nga addanton plaka dagiti amin a traysikel agingga iti Abril 30
Innayon ti DILG a “siraraem ti departamento a mangisubli iti ania man a naipatulod a sagut.”
Imbes a mangted dagiti maseknan iti sagut, kinuna ti DILG nga “agdonarda laengen iti pilida a charity organization.’’
(Chito Chávez/Manila Bulletin)
