Nagkampeon manen ti Pampanga Giant Lanterns iti maika-6 a season ti MPBL (Maharlika Pilipinas Basketball League) babaen ti 65-61 a panangabakda iti Game 3 ken pannaka-sweep ti Quezon Huskers iti best-of-five a serye, idi Sabado, Disiembre 7, 2024 iti Bren Z. Guiao Sports Center iti San Fernando, Pampanga.
Indauluan ni Justine Baltazar dagiti Lanterns, pammaneknek a maikari iti maikadua nga agsaruno nga MVP award wenno kasiglatan a player iti liga a buklen ti 29 a team.
Nakagun-od ni Baltazar iti 19 a puntos, 19 a rebounds, 2 nga assists ken 1 a tapal tapno matulongan ti Lanterns a kaaunaan a team iti MPBL nga agkampeon iti dua nga agsaruno a tawen.
Nangipaay met da Archie Concepcion ken Encho Serrano, iti tulong ken ni Baltazar, iti 19 ken 15 a puntos, kas panagsaganadda.
LTO, inkarina nga addanton plaka dagiti amin a traysikel agingga iti Abril 30
Babaen daytoy a balligi, nagun-od ni Pampanga Gov. Dennis Pineda a kaunaan a back-to-back champion coach ti MPBL. (AST/Bannawag)
