Indauluan ti National Commission for Culture and Arts (NCCA) ken ti gobierno lokal ti Rosales, Pangasinan ti pannakaiparang iti centenial bust ti National Artist for Literature a ni F. Sionil Jose iti Presidencia Grounds itay Disiembre 3, kas panglagip iti maika-100 a panagkasangayna idi 1924.

Naipasngay ken dimmakkel iti Rosales, Pangasinan ni Jose a mabigbigbig a kas literary icon ken napadayawan a kas National Artist idi 2001.

Naipasdek ti busto ni Jose iti ilina kas maitutop a pammadayaw iti dinto maumag a patawidna, nangruna dagiti kontribusiona iti literatura ti Filipinas.

Dagiti kameng ti gobierno lokal ti Rosales, Pangasinan nga idauluan ni Mayor William Cezar (kaabay ti busto) a dimmar-ay iti pannakaiparang ti centennial bust ni National Artist for Literature F. Sionil Jose idi Disiembre 3. (Ladawan: Pammadayaw ti NCCA)

Maysa kadagiti nalatak a putarna, ti The Rosales Saga, ti naipanagan iti lugar a nakayanakanna. Ti panangdakiwas ti lima a nobelana iti pakasaritaan ken politika iti panirigan ti maysa a gagangay a Filipino ti nangpatibker iti saadna kas panuli ti literatura ti Filipinas.

Nasional

Kampania kontra pannakamanipular ti presio ti bagas, isayangkat ti DA

Dimmar-ay ni Rosales Municipal Mayor William Cezar, dagiti kameng ti sangguniang bayan, ken kameng ti pamilia ni Jose, a dinanggayan met dagiti agtutubo ti Rosales, Rosales Choral, ken ti Rosales Dance Troupe. (Rene Napeñas/NCCA//Lito Hilidon/Bannawag)