Impaganetget ni Sekretario ti Department of Social Welfare and Development (DSWD) Rex Gatchalian itay Biernes, Disiembre 13, a ti laeng DSWD ti mangitungpal iti “Ayuda para sa Kapos ang Kita Program” (AKAP) - maysa a programa a mangted iti tulong-pinansial kadagiti kualipikado a benepisiario a nababa ti matgedanda.
Iti maysa nga interbiu iti Teleradyo Serbisyo, inlawlawag ni Gachalian a ti DSWD laeng ti mangipatungpal iti sibubukel a PhP26 a bilion, saan ketdi a dagiti politiko, ken sukimaten dagiti social worker amin nga agbalin a benepisiario daytoy.
Idi Disiembre 11, inanamongan ti bicameral conference committee, a buklen dagiti diputado ken senador, ti pannakaisubli ti PhP26 a bilion a pondo ti AKAP iti 2025 General Appropriations Bill (GAB).
Kinuna ni Gatchalian a maiduma ti AKAP iti 4Ps (Pantawid Pamilyang Pilipino Program) a kangrunaan a programa ti ahensia a mangep-ep iti kinakurapay dagiti puntiriada a benepisiario.
Kampania kontra pannakamanipular ti presio ti bagas, isayangkat ti DA
Inlawlawag ni Gatchalian a ti AKAP ket maipaay laeng no kasapulan, saan a kas iti 4Ps a regular a maited tapno maital-o ti biag dagiti marigrigat. (Ellalyn De Vera-Ruiz/Manila Bulletin//Lito Hilidon/Bannawag)
