Impasigurado ni Presidente Ferdinand Marcos Jr. (PBBM) nga ikagkagumaanda a maisubli ti PhP10 a bilion a naikissay iti singasing a pondo ti Department of Education (DepEd).
Segun ken ni PBBM, a ti pannakakissay ti badiet ti DepED ti saan a maitunos iti polisia ti administrasionna no maipapan iti Science, Technology, Engineering, ken Mathematics (STEM).
Kinuna ni PBBM a naggapu iti computerization item ti naikkat a PhP10 a bilion, ket ad-adalenda no kasano a maisubli daytoy ta kunana a dina kayat nga ipakat ti line item veto iti ania man a paset ti singasing a badiet para iti 2025.
Inanamaen ni PBBM a maisublida ti naikkat a badiet ta kasapulan daytoy dagiti kayat nga ipatungpal ti administrasionna, ken kasapulan unay ti DepEd ti nasao a gatad.
17 a Vlogger, nagkamang iti Korte Suprema
Kinuna ni PBBM a PhP12 a bilion ti damo a kidkiddawen ti DepEd a pondo para iti computerization, ngem nagbalin laengen daytoy a PhP2 a bilion.
Innayon ni PBBM nga umdas laeng ti PhP12 a bilion tapno maitultuloy ti narugianda, idinto nga ad-adu pay ti masapul nga aramidenda. (Betheena Unite/Manila Bulletin//Lito Hilidon/Bannawag)
