Pinasingkedan ni Wallace Chow, pannakabagi ti Taipei Economic and Cultural Office (TECO) iti Filipinas, ti di agkupas a panangsuportar ti Taiwan kadagiti Filipino bayat ti panangyawatna iti 500 a tonelada metrika a bagas nga indonarda, tapno matulongan dagiti inapektaran ti didigra iti Davao Region idi Disiembre 12.
Impaganetget ni Chow ti kinapateg ti natibker a panagkadua ti Taiwan ken Filipinas iti panangtaming kadagiti nadumaduma a parikut ti pagilian.
Dinayaw ni Chow ti kinaregta ti Department of Social Welfare and Development (DSWD) a napardas a mangipaay iti tulong kadagiti naapektaran a pamilia.
Mapanen a 1,500 a tonelada metrika a bagas nga indonar ti Taiwan ti naiwarasen kadagiti marigrigat a pamilia ken dagiti nakaro nga inapektaran ti Bagyo Kristine.
Impeachment complaint kontra ken ni VP Sara Duterte, addan iti Senado
Impaganetget ni Chow ti panagkumit ti Taiwan a mangandingay iti Filipinas iti panangsaranget kadagiti nadumaduma a karit.
Nagyaman ni Chow ken ni Cheloy Garafil, daulo ti Manila Economic and Cultural Office (MECO), iti panangsuportarna iti naannayaas a pannakaibiahe dagiti naidonar a bagas. (Manila Bulletin//Lito Hilidon/Bannawag)
