Kalpasan ti konsierto ti BoyNextDoor, impakaamo ti boy band manipud iti South Korea ti panangiruarda iti umuna a digital single-da inton Enero.
Sold-out ti kickoff show ti umuna a tour ti K-pop boy band a “Knock On Vol. 1” a naangay idiay Incheon idi Disiembre 14 ken 15.
Kabayatan ti konsierto, impakaammoda nga iruarda ti umuna a digital single-da nga “If I Say, I Love You” inton Enero 6.
“Insaganaanmi a nalaing daytoy para iti Onedoor,” kinuna ti banda. “Ngem mamatikami sa saan laeng a ti Onedoor, no di ket adu, ti manggusto iti daytoy.”
LTO, inkarina nga addanton plaka dagiti amin a traysikel agingga iti Abril 30
Grupo dagiti fans ti BoyNext Door ti Onedoor.
Nairuaren ti artwork ti digital single.
Iti konsierto, linukatan ti banda ti pabuyada babaen ti lead single-da nga “Earth, Wind & Fire” manipud iti maika-2 nga EP-da a “HOW?” Kinantada met dagiti lead singles-da a “But I Like You,” “But Sometimes,” “One and Only,” “Nice Guy,” “Serenade” ken dagiti paggugusto dagiti fans a “Dangerous,” “OUR,” “Call Me,” “Crying,” “l i f e i s c o o l,” “Dear My Darling,” ken “Gonna Be A Rock.”
Ti balligi ti konsiertoda, ad-adda a pinatibkerna ti pammigbig kadakuada a kas live performance powerhouse ti sumaruno a henerasion.
(Jonathan Hicap/Manila Bulletin)
