(Ladawan manipud iti Bilyonaro News Channel)

Pinasingkedan ti bilionario a businessman a ni Atong Ang ti maipadpadamag a kaadda ti relasionda ken aktres a Sunshine Cruz.

Iti programa nga "Agenda" ti Bilyonaro News Channel idi Martes, Dis. 17, dinakamat ti show host a ni Pinky Webb a "kinompirmar a mismo ni Atong Ang iti Bilyonaryo News Channel nga adda a talaga relasionda ken ni Sunshine Cruz..."

Inkomentar met ti co-host a ni Korina Sanchez a "rebbengna nga awisentayo da Atong ken Sunshine nga agilibre ita a Paskua ta naragsakda."

Nabayag metten a mapagsasaritaan ti maipanggep iti mapapati a nasam-it a panagkinnaawatan da Atong ken Sunshine.

Nasional

2 a komander ti MILF, nasentensiaan iti 35 counts ti homicide iti Mamasapano massacre

Bimmara manen dayta a saritaan maipapan iti mapapati a kaadda ti romantiko a relasionda itay nabiit gapu kadagiti nagwaras a video a naala iti agduduma nga okasion a mangipakpakita kadagiti dua a maipagarup a naginnagek.

Sakbayna, nakarelasion ni Sunshine ni Macky Mathay.

Iti sabali a bangir, nainanaig met ni Atong Ang ken ni Gretchen Barretto. (Neil Ramos/MANILA BULLETIN)