Paspasiarenen ni senatorial candidate ken dati a gobernador ti Ilocos Sur Luis "Chavit" Singson ti entero a Filipinas tapno ikampaniana ti agenda a reporma wenno panagbalbaliw babaen ti pannakilangenna kadagiti maseknan para iti sirmatana a naprogreso a kagimongan.
Iti maysa nga statement, kinuna ti kampo ni Singson a nakitaripnong isuna kadagiti grassroots leader, lokal nga opisial, ken kameng ti media iti entero a Central Luzon ken Western Mindanao tapno ibinglayna dagiti kangrunaan nga iwayatna no mangabakl a senador kas iti VBank digital bank platforms, pannakaipromot ti electric vehicles, ken ti Chavit 500 program wenno universal basic income (UBI).
Idi napalabas a lawas, timmabuno ni Singson iti Christmas party ti Circulation Management Association of the Philippines (CMAP) ken GMA Sparkle, nakitaripnong iti Angeles City Association of Barangay Councils, ken nakitinnulong ken ni Candaba Mayor Rene Maglaque iti distribution event ti Department of Labor and Employment (DOLE) a Tulong Panghanapbuhay sa Ating Disadvantaged/Displaced Workers (TUPAD).
Nangangay pay ni Singson iti meet-and-greet event kadagiti kameng ti media iti Siudad ti Dipolog, nakitaripnong ken ni Zamboanga City Mayor John Dalipe ken dagiti lokal nga organisasion a pakairamanan dagiti transportation group, senior citizens, ken dagiti lider ti barangay, ken timmabuno iti maika-105 a Grand Alumni Homecoming ti Western Mindanao State University.
2 a komander ti MILF, nasentensiaan iti 35 counts ti homicide iti Mamasapano massacre
Kadagitoy a taripnong, inyam-ammo ni Singson ti innovative digital bank-na a VBank, imbinglayna dagiti plano a tumulong iti transport sector iti panagaramatda kadagiti moderno a jeepney, inyunay-unayna ti kasapulan a pannakapukaw ti bureaucratic red tape, impaganetgetna ti “napateg nga akem” ti media iti pannakapatalged ti transparency ken accountability, ken intampokna dagiti plano a mangparnuay iti ad-adu a panggedan ken mangyeg iti investments para kadagiti probinsia a kas iti Zamboanga.
“Kasapulan ti pagiliantayo, nangruna dagiti rehion a kas iti Zamboanga, dagiti investment tapno makapataud iti trabaho ken oportunidad. Masapul a luktantayo ti pagilian kadagiti investor kabayatan ti panangikkattayo ti red tape ta lapped daytoy iti panagrang-ay,” kinunana. (Raymund Antonio/Manila Bulletin)
