Nagpakdaar ti Philippine Institute of Volcanology and Seismology (Phivolcs) ita nga aldaw, Disiembre 18, mainaig iti panagayus ti lahar kadagiti lugar nga asideg iti Bulkan Kanlaon ken Mayon, gapu iti napigsa a tudo a yeg ni Tropical Depression (TD) Querubin ken ti shear line nga agtultuloy a mangapektar iti Bicol Region ken Negros Island.
Segun iti Tropical Cyclone Bulletin No. 3 nga inruar ti Philippine Atmospheric, Geophysical and Astronomical Services Administration (PAGASA) itay 5:00 iti parbangon, napigsa agingga iti nakaro a tudo ti sagrapen dagiti lugar iti abagatan a daya ti Luzon, Visayas, ken Mindanao, agraman dagiti adayo iti lugar a manamnama a tuparen ni Querubin.
Ti nagtipon nga epekto ni Querubin ken shear line ti mangpataud iti lahar, pitak manipud iti bulkan, ken agayus kadagiti karayan ken kanal dagiti lugar iti asideg dagiti aktibo a bulkan.
Mabalin a matupar ti lahar dagiti karayan ti Miisi, Binaan, Anoling, Quirangay, Maninila, Masarawag, Muladbucad, Nasisi, Mabinit, Matan-ag, Basud, ken Bulawan iti Albay. (Ellalyn De Vera-Ruiz/Manila Bulletin//Lito Hilidon/Bannawag)
